1. Müəllimlikdən kənara çıxan missiya
Ədəbiyyat yalnız yazılan şeirlə yaşamır. Onu yaşadan, tanıdan və gələcək nəsillərə ötürən bir də onu araşdıran, təhlil edən insanlardır.
Filoloq-müəllim Nəsib Abidin fəaliyyəti məhz bu baxımdan diqqətəlayiqdir. O, müəllimlik missiyasının yalnız sinif otağı ilə məhdudlaşmadığını öz fəaliyyəti ilə göstərir. Bu gün onun yaratdığı “ədəbi auditoriya”nın ünvanı ən geniş informasiya məkanı olan sosial şəbəkədir.
2. Filoloq gözü ilə ədəbiyyata baxış
Onun Facebook səhifəsində paylaşdığı yazılara nəzər saldıqda bir xüsusiyyət dərhal diqqəti çəkir: O, şair haqqında sadəcə məlumat verməklə kifayətlənmir, şairin yaradıcılığına nəzər salır, poetik nümunələri araşdırır, mövzu və ideya istiqamətlərini müəyyənləşdirir.
Çünki bir şairi tanıtmaq başqa, onun yaradıcılığını təhlil etmək tamam başqa məsələdir. Nəsib Abidin yazılarında filoloq mövqeyi də məhz burada özünü göstərir. O, sözün arxasında dayanan fikri, misraların yaratdığı mənanı araşdırmağa çalışır.
Mikayıl İnçəçaylı kimi şairlərin kitablarında onun “Öz təbiəti və həyat duyumu ilə seçilən könül lirikası” başlıqlı yazısı yer almışdır. Nəsib Abid orada poeziyanı bir filoloq kimi araşdırmış və təhlil etmişdir.
Bu münasibət barədə həmkarları yazır: “Nəsib Abid mənim şeirlərimə də filoloq gözü ilə yanaşıb. Misraların arxasındakı fikrə, mövzuya, poetik xüsusiyyətlərə diqqət yetirib”. Bu, yaradıcı insanın əməyinə ən böyük ehtiram formasıdır.
3. Yaradıcılığı və kitabları
Söz Nəsib Abidə veriləndə o özü deyir: “Bu günümüzün işığında yazıb yaradan şairlər haqqında, eləcə də digər peşə sahibləri - həkim, jurnalist, rəssamlar haqqında yazılarım, araşdırmalarım dərc olunub”.
Onun iki mühüm kitabı ədəbi ictimaiyyətdə xüsusi təqdim olunub:
“Səringül Sadə və onun söz dünyası” kitabımda şairin yaradıcılığı təhlil etmişəm, onun ömür yolunu işıqlandırmağa çalışmışam.
Bu kitablar 13 dekabr 2025-ci ildə Bakı Xətai Sənət Mərkəzində Mirvarid Dilbazi Poeziya Məclisi ilə birgə təqdim edilib - “Səringül Sadə və onun söz dünyası” və “Əsrimizin şairləri, ədəbi düşüncələr”.
O, “Sözün Ruhu...” kimi yazılarında daim canlı klassiklərimizin bədii yaradıcılığına işıq tutur.
4. İnsan kimi Nəsib Abid - niyə sevilir?
Nəsib müəllimi sevdirən təkcə filoloq olması deyil, insanlığıdır.
O, paxıllıqdan uzaq, təvazökar, saf qəlbli insandır. Heç vaxt “mən” demir. O, başqasının sevincinə sevinən, başqasının sözünü ucaldan insandır. Elə buna görə də şairlər ona yazır: “Yaradıcılığıma göstərdiyiniz diqqətə, şeirlərimi belə həssaslıqla oxuyub dəyərləndirdiyinizə görə Sizə ürəkdən təşəkkür edirəm”.
Bu gün sosial şəbəkələrdə çoxlu yazı paylaşılır. Belə informasiya bolluğunda həqiqi ədəbi dəyəri seçmək xüsusi yanaşma tələb edir. Filoloq hazırlığı Nəsib Abidə bu istiqamətdə mühüm imkan verir.
Onun gördüyü işi yalnız sosial şəbəkə fəaliyyəti kimi qiymətləndirmək doğru olmaz. Burada ədəbiyyata sevgi, filoloq məsuliyyəti və söz adamlarına diqqət dayanır.
Çünki ədəbiyyat yalnız onu yazanların deyil, onu oxuyanların, araşdıranların və gələcək nəsillərə çatdıranların da mənəvi sərvətidir. Nəsib Abid də bu sərvətin qorunmasına öz qələmi ilə töhfə verən filoloqlardandır.
El arasında onun adı çəkiləndə “Allah razı olsun” deyirlər. Çünki o, qələm əhli arasında körpüdür, könüllər arasında bağdır. Vətənə bağlı, sözə bağlı, insana bağlı bir ömürdür Nəsib Abid ömrü...
SƏNƏ HƏSR OLUNMUŞ ŞEİR - NƏSİB ABİD
BayramAşıqlı qələmi ilə
Sözə könüldən işıq salan Nəsib
Elmin sevdası ilə coşan Nəsib
Qəlblərə duyğu əkən ustad ömrü
Hörməti uca olan insan Nəsib
Səringül sözün nuru bizlə yaşar
Əsrimizin səsi qalır yaddaşda
Sözün qədrini bizə anlatdı o
Qələm ilə könülləri ovsunlar
Şair könlünə həmdəm olan ürək
Sözə dəyər verən böyük bir ürək
El içində sevilən nurlu ürək
Duyğunu anlayan ulu bir ürək
Təvazökar, saf, ülvi bir ömürdür
Sözü ilə könül alan ömürdür
İnsanlığa işıq saçan ömürdür
Dost yolunda yanan bir şam ömürdür
Ucar elinin fəxri, uca adın
Söz dünyasında yaşayır hər yadın
BayramAşıqlı söylər eşqlə adın
Nəsib müəllim, var ol, uca adın.
04.10.2026
Hörmətlə, qardaşın:AJB-nin üzvü, Azərbaycan Vətən Müharibəsi Veteranları İctimai Birliyinin fəxri üzvü, vətənpərvər, sülhsevər şair-yazar
Tovuz rayonu, Aşağı Quşçu qəsəbəsi əsilli, Bakı sakini BayramAşıqlı.
