Daxili İşlər Nazirliyi (DİN) Daxili Qoşunlarında müxtəlif vəzifələrdə xidmət etmiş, sağlığında peşəkarlığı, vətənpərvərliyi, xeyirxahlığı, sadəliyi və səmimiyyəti ilə seçilən, Azərbaycan Respublikasının müharibə veteranı olmuş , unudulmaz və xatirələrdə yaşayacaq mayor İsmayılov Adil Balaş oğlunun noyabr ayının 14-də vəfat etdiyi günüdür
Xatırladaq ki, 14 noyabr 2025-ci il tarixdə günorta saatlarında “Azərsilah” Müdafiə Sənayesi Holdingi QSC- nin strukturuna daxil olan “Sənayecihaz” Elmi -İstehsalat Müəssisənin Şirvan şəhərində yerləşən zavodlarının birində istehsalat qəzası nəticəsində müəssisənin əməkdaşı, Azərbaycan Respublikasının müharibə veteranı olmuş mayor Adil İsmayılov həlak olmuşdur.15 noyabr Salyan rayonun Qalaçala kənd qəbristanlığında torpağa tapşırılmışdır.
Bundan əlavə qeyd edək kı, Mayor İsmayılov Adil Balaş oğlu 1969-cu ilin sentyabr ayının 3-də Yardımlı rayonunun Arus kəndində zəhmətkeş bir ailədə anadan olmuşdur
1986-cı ildə Yardımlı rayonun Arus kənd orta məktəbini, 1988-ci ildə Salyan kənd təsərrüfatı texnikomunu əla qiymətlər ilə bitirib.
1988-1990-cı illərdə SSRİ Daxili işlər Nazirliyi Daxili Qoşunlarının Moskva şəhərində yerləşən tədris alayında müddətli həqiqi hərbi xidmətdə, 1990-1992-ci illərdə isə həmin hərbi hissədə müddətdən artıq hərbi xidmətdə olmuşdur. Xidmətlə yanaşı təhsilini qiyabi davam etdirib. 1992–ci ilin sonunda torpaqlarımızın işğalı ilə əlaqədar olaraq təhsilini yarımçıq qoyaraq Rusiya ordusundan imtina edib, Azərbaycan ordusunda xitmətə gəlmişdir.
1993-1994-cü illərdə Azərbaycan Ordusunun döyüş bölgələrində yerləşən hərbi hissələrin tərkibində Ağdərə, Tərtər istiqamətində gedən döyüşlərdə iştirak etmişdir.Azərbycan Respublikasının müharibə veteranı idi.
1994-2010-cu illərdə Azərbaycan Respublikası Daxili İşlər Nazirliyi Daxili Qoşunların Hacıqabil, və Xəzər rayonunda yerləşən hərbi hissədə və təlim- tədris mərkəzində müxtəlif vəzifələrdə xidmət etmişdir.
1998-ci ildə Türkiyənin Jandarma təşkilatının təşkil etdiyi kursu əla qiymətlərlə, kurs birincisi olaraq bitirmişdir. Kursu əla qiymətlərlə başa vurduğu üçün Daxili İşlər Naziri tərəfindən ilkin zabit rütbəsi verilmiş və qiymətli hədiyyələrlə təltif edilmişdir.
Adil İsmayılov öz tabeliyində olanlara Azərbaycan Respubilkasının Konstitusiyasına və qanunlarına əməl edilməsi,Hərbi Andın, hərbi və daxili qoşunların döyüş xidməti nizamnamələrin tələblərinin, əmr və sərancamların dəqiq və sözsüz yerinə yetirilməsi işində daimi nümunə olmuşdur.
Qanunvericiliklə müəyyən edilmiş qaydada Daxili Qoşunlara və hərbi hissələrə həvalə olunmuş vəzifə və tapşırıqıarın yerinə yetirməsində,hərbi təchizat anbarların,xüsusi yüklərin,dövlət əhmiyətli obyektlərin və inzibati binaların mühafizəsində,şəhərlərdə,yaşayış məntəqələrində və kütləvi tədbirlərin kecirilmə yerlərində ictimai asayişin qorunmasında və ictimai təhlükəsüzliyin təmin ediıməsində, yaşayış məntəqələrində kütləvi iğtişaşların qarşısının alınmasında, cinayətkarlığa qarşı mübarizədə, axtarışda olan şəxslərin axtarılmasında ,tutulmasında və zərərsizıəşdirilməsində,qəzalar,bədbəxt hadisələr, yanğınıar, təbii fəlakətlər və başqa fövqalədə hallar, habelə fövqalədə vəziyyət və komendant saatı zaman hüquqi rejimin təmin edilməsində, dövlətin ərazi bütovlüyünün təmin olunmasında üzərinə düşən vəzifə və tapşırıqları layiqincə yerinə yetirmişdir.
Öz xidməti vəzifələrini və hərbi hissə qarşısında qoyulmuş vəzifə və tapşırıqları yerinə yetirərkən xüsusi fəriqləndiyinə görə, Daxili işlər nazirinin,Daxili Qoşunlar Komandanın və onun müavinlərinin, korpus və hərbi hissə komandirinin müvafiq əmirləri ilə əla xidmətlərə görə əlaçı və yubiley döş nişanıları ilə təltif olunub,bir dəfələrlə diplomlarla , fərmanlarla ,qiymətli hədiyyələrlə mükafatlandırlıb, Adil İsmayılova təşəkkur elan edilmiş və aşağıdakı medallarla təltif edilmişdir:
1.”Qüsursuz xidmətə görə” 1 dərəcəli medal ilə -Silahlı Qüvvələrdə 20 təqvim ili xidmətə görə;
2.“Qüsursuz xidmətə görə” 2 -ci dərəcəli medal ilə- Silahlı Qüvvələrdə 15 təqvim ili xidmətə görə;
3. “Qüsursuz xidmətə görə” 3-cü dərəcəli medal ilə- Silahlı Qüvvələrdə 10 təqvim ili xidmətə görə;
4.”Azərbaycan Respublikası Silahlı Qüvvələrinin 10 illiyi (1991-2001)” yubiley medlalı ilə;
5.”AzərbaycanRespubilkası Silahlı Qüvvələrinin 90 illiyi (1918-2008)” yubiley medalı ilə.
Mayor Adil İsmayılov 2010-cu ildə Silahlı Qüvvələrə ehtiyata buraxıldıqdan sonra “Azərsilah” Müdafiə Sənayesi Holding QSC- nin strukturuna daxil olan “Sənayecihaz” Elmi -İstehsalat müəsisələrinin Şirvan şəhərində yerləşən zavodların birində mühəndis–sınaqçı, daha sonra sınaq sahəsinin rəisi vəzifəsində çalışırdı. 44 günlük Vətən müharıbəsi zamanı Müdafə Saneyisi Nazirliyində istehsal olunan məmulatların tətbiqi və istismarına etdiyi köməyə görə Dövlət Sərhəd Xidmətinin və Müdafiə Sənayesi Nazirliyinin rəhbərliyi tərəfindən mükafatlandırılmışdır.
ALLAH RƏHMƏT ELƏSİN!
Azərbaycan Respubilkasının Silahlı qüvvələri veteranı və müharibə veteranı, peşəkar hərbçi və hüquqşünas polkovnik Salman Musayev
