Bu gün mənim üçün adi bir gün deyil. Bu gün mənim ürəyimdə xüsusi yeri olan, gələcəyinə böyük ümidlər bəslədiyim qızım Elzanın doğum günüdür!
Əziz qızım dünyanın bütün yaxşılıqları sənin olsun!
Yolun açıq, bəxtin gözəl, qəlbin təmiz, vicdanın rahat olsun. Həyat sənə sağlamlıq, sevinc, sevgi, uğur və ləyaqətlə yaşamaq üçün min bir gözəl fürsət bəxş etsin. Elə bir insan ol ki, varlığınla ailənə qürur, insanlara ümid, dünyaya gözəllik gətirəsən.
Qız, mən sənə uzun ömürdən də əvvəl mənalı və şərəfli ömür arzulayıram. Elə yaşa ki, səni sevənlər səninlə fəxr etsinlər, sən də geriyə baxanda keçdiyin həyat yolundan qürur duyasan. Hər zaman başın uca, ürəyin rahat, alnın açıq olsun.
Bəlkə də bir gün mənim bu sözlərimi yenidən oxuyacaqsan. Onda bil ki, sənin doğum günündə bir ata bütün sevgisini, ümidlərini və ən gözəl arzularını sənin gələcəyinə əmanət edib.
Ad günün mübarək, əziz Qızım!
Allah səni qorusun, ömrünü bərəkətli, taleyini gözəl, gələcəyini işıqlı etsin. Sənə dünyanın ən yaxşı nə varsa, hamısını arzulayıram!
Səni ürəkdən sevən atan İlham Rəsulzadə
