Şəhid Kapitan Həmid Kərim oğlu Cəfərli (01.08.1990

Şəhid "kapitan Həmid" demək olar ki, Vətən müharibəsi və antiterror əməliyyatları zamanı qəhrəmanlıq göstərən iki tanınmış şəhid kapitanımızı xatırladır: Həmid Cəfərli və Həmid Həmidli.

Bu gün 05.10.2026 biz Kapitan Həmid Cəfərli Kərim oğlundan yazırıq çünki, Həmid məhs bu gün 05.10.2020 -ci ildə Şəhid'lik zirvəsinə yüksəlmişdir.

1. Həyatı və Təhsili

Cəfərli Həmid Kərim oğlu 1990-cı il avqust ayının 1-də Bakı şəhərində anadan olub. 1996-cı ildə Bakı şəhəri Xətai rayonu 88 saylı orta məktəbə daxil olub, 8-ci sinfə qədər orada təhsil alıb.

Uşaqlıqdan arzusu zabit olmaq, xalqına şərəflə xidmət etmək olub. Bu arzu ilə 2004-cü ildə Cəmşid Naxçıvanski adına Hərbi Liseyə daxil olub. Liseyi 2007-ci ildə bitirib və Heydər Əliyev adına Azərbaycan Ali Hərbi Məktəbinə qəbul olub. 2011-ci ildə həmin məktəbi "Qoşun Kəşfiyyatı" ixtisası üzrə bitirərək leytenant rütbəsi alıb.

Cəsur kəşfiyyatçı kimi tanınan Həmid Cəfərli nizam-intizamı, məsuliyyəti ilə seçilib. O, Heydər Əliyev adına Azərbaycan Ali Hərbi Məktəbinin məzunu kimi hər zaman nümunə göstərilirdi və məktəbdə onun xatirəsi ehtiramla anılır.

2. Hərbi Xidməti

Müdafiə Nazirliyinin əmri ilə Silahlı Qüvvələrin Təlim Tədris Mərkəzində Zabit ixtisas kursuna göndərilib. 24 iyun 2011-ci ildən 24 iyun 2012-ci ilə qədər kəşfiyyatçı tağım komandiri kursunu bitirib.

2012-ci ildən N saylı hərbi hissənin Kəşfiyyat Bölüyünün Tağım komandiri vəzifəsinə təyin olunub.

Xidmət pillələri və təltifləri sülh dövründə:

2013-cü ildə döyüş və ictimai hazırlıqda, nizam-intizamda yüksək nailiyyətlərinə görə Fəxri Fərman və Silahlı Qüvvələrin yaranmasının 95 illik yubiley medalı ilə təltif olunub və baş leytenant rütbəsi alıb.

2015-ci ildə Qazax rayonundakı N saylı hərbi hissədə Kəşfiyyat Bölük komandiri təyin edilib. Dəfələrlə düşmən arxasına kəşfiyyat qrupları aparıb və əsir gətirib.

2016-cı ildə göstərdiyi xüsusi xidmətlərə görə vaxtından əvvəl kapitan rütbəsinə yüksəlib.

2017-ci ildə Daşkəsən rayonunda yerləşən N saylı hərbi hissəyə komandir müavini təyin edilib və "Qüsursuz xidmətlərinə görə" 3-cü dərəcəli və Silahlı Qüvvələrin 100 illik yubiley medalları ilə təltif olunub.

2019-cu ildə Beyləqan rayonunda yerləşən N saylı hərbi hissədə Bölük komandiri vəzifəsinə təyin edilib.

Həmid Cəfərli memorial.az-da "100-dən çox erməni məhv edən kəşfiyyat komandiri" kimi təqdim olunur və peşəkar kəşfiyyatçı kimi şöhrət qazanmışdı.

3. Vətən Müharibəsində İştirakı və Şəhadəti

2020-ci il 27 sentyabrdan başlayan Vətən müharibəsində ilk gündən ön xətdə döyüşə başlayıb. Cəbrayıl istiqamətində düşmənin müdafiə səddini yararaq torpaqlarımızın geri qaytarılmasında fəal iştirak edib.

Cəbrayılın yüksəkliklərinin azad edilməsi uğrunda vuruşub və Nüzgar kəndinə Azərbaycan bayrağını sancıb. Daha sonra Füzuli rayonunun bir neçə kənd və yüksəkliklərinin işğaldan azad edilməsində iştirak edib. Döyüş zamanı iki gün şəxsi heyəti ilə birlikdə mühasirədə qalıb.

Maraqlıdır ki, 2020-ci il oktyabrın 2-də Tovuz rayonunda yerləşən hərbi hissədə yüksək vəzifəyə təyin olunmuşdu, lakin "müharibə qurtarandan sonra təyinat yerinə gedərəm" deyərək döyüşü davam etdirmişdi. Döyüş yoldaşlarına "Müharibədən sağ-salamat çıxsam, mütləq kitab yazacağam" deyirdi.

Özünə şəhidlik arzulayan kapitan, müharibə başlamazdan bir gün əvvəl - 27 sentyabrda dostuna belə yazmışdı: “Xoş o adamın halına ki, ona Şəhidlik nəsib olur. Boşuna və bihudə ölümə getməkdən Allaha pənah aparıram”.

Kapitan Cəfərli Həmid Kərim oğlu 5 oktyabr 2020-ci ildə saat 13:20 radələrində Füzuli rayonunun Pirəhmədli kəndi uğrunda gedən qeyri-bərabər döyüşlərdə qəhrəmancasına şəhid olub. O, Bakı şəhərində II Şəhidlər Xiyabanında dəfn olunub.

4. Ailəsi və Xatirəsi

Ailəli idi. Şəhid olanda geridə Vətənə 3 övladı yadigar qaldı - oğulları Cabbar (5 yaş), Hüseyn (4 yaş) və qızı Zeynəb (1 yaş).

Onun xatirəsi əbədiləşdirilir:

Heydər Əliyev adına Azərbaycan Ali Hərbi Məktəbində anım günləri keçirilir.

Professor Həcər Hüseynova tərəfindən "Şəhid kapitan Həmid Cəfərli" kitabı yazılıb.

Haqqında "Qəhrəman kapitan Həmid Cəfərli" sənədli filmi çəkilib.

5. Təltifləri

Azərbaycan Respublikasının Prezidenti İlham Əliyevin Sərəncamları ilə ölümündən sonra təltif edilib:

"Vətən uğrunda" medalı

"İgidliyə görə" medalı

"Cəbrayılın azad olunmasına görə" medalı

"Füzulinin azad olunmasına görə" medalı

"Xocavəndin azad olunmasına görə" medalı

Şəhid Kapitan Həmid Cəfərli Azərbaycanın ərazi bütövlüyü uğrunda canını fəda edən, kəşfiyyatçı kimi qorxmazlığı və zabit kimi ləyaqəti ilə yaddaşlarda qalan qəhrəmanlarımızdan biridir. Ruhu şad olsun!

5 oktyabr 2026-cı il tarixində Vətən Müharibəsi şəhidi Cəfərli Həmid Kərim oğlunun məzarı rayon ictimaiyyəti tərəfindən ziyarət edilib.

Ziyarətdə rayon İcra Hakimiyyətinin başçısı Rafiq Quluyev, Milli Məclisin deputatı Vüqar Rəhimzadə, YAP Xətai rayon təşkilatının sədri Ramil Mirzəyev, rayon ağsaqqalları və ictimaiyyət nümayəndələri iştirak ediblər.

Ziyarət zamanı şəhidin ruhuna dualar oxunub, məzarı önünə əklil və gül dəstələri düzülüb, əziz xatirəsi ehtiramla yad edilib.

Şəhidin ailə üzvləri onlara göstərilən diqqət və qayğıya görə ailələri adından Azərbaycan Respublikasının Prezidenti İlham Əliyevə və Birinci vitse-prezident Mehriban Əliyevaya minnətdarlıqlarını bildiriblər.

Vətənimizin ərazi bütövlüyü və suverenliyi uğrunda canından keçən şəhidlərimizin əziz xatirəsini daim ehtiramla yad edir, onların ruhlarına Allahdan rəhmət diləyirik.

. KAPİTAN HƏMİD

Müəllif: BayramAşıqlı

I Bənd - Cəbrayıl yolu

Cəbrayıl yolunda şimşək tək çaxdı,

Nüzgar kəndində uca bayraq taxdı,

Düşmən səngərini odlara yaxdı,

Tarixə adını yazdırdı şəhid,