Rzayev İmamverdi Allahverdi oğlu 1953-cü ilin mart ayının 5-də Cəlilabad rayonunda zəhmətkeş bir ailədə anadan olub. 1969-cu ildə Cəlilabad rayonunda orta məktəbi bitirib.
1972- 1974-cü illərdə SSRİ Silahı Qüvvələrində müddətli həqiqi hərbi xidmətdə olub.
1981-ci ildə N.Nərimanov adına Azərbaycan Dövlət Tibb İnstitutunun I müalicə-profilaktika fakültəsini cərrah ixtisası üzrə bitirib, həmin ilin avqust ayında internatura keçmək üçün Tatarıstanın Naberejnı-Çelnı şəhərinə göndərilib.
1981-1982-ci illərdə Təcili Tibbi Yardım xəstəxanasının “II Cərrahiyyə şöbəsi”ndə həkim-cərrah vəzifəsində çalışıb.
1982-1985-ci illərdə Naberejnı-Çelnı şəhərində 2 nömrəli Şəhər Klinik Xəstəxanasında ilk öncə ordinator, sonra isə həmin “Cərrahiyyə şöbəsi”nin müdiri vəzifəsində çalışmışdır.
1986-1993-cü illərdə Bakı şəhərində Elmi Tədqiqat Vərəm İnstitutunda Ftizio-cərrah kimi irinli cərrahiyyə şöbəsinin müdiri vəzifəsində işləyib.
1993-1996-cı illərdə Daxili İşlər Nazirliyi Daxili Qoşunlarının Şirvan , şəhərində, Hacqabil və Binəqədi rayonlarının ərazisində yerləşən hərbi hissələrdə tibb məntəqəsinin rəisi, tibb xidməti rəisi, Daxili Qoşunların Qaradağ rayonu ərazisində yerləşən hərbi hospitala isə baş-cərrah, sonra isə hərbi hissə komandirinin (hospital rəisinin) tibb xidməti üzrə müavini- tibb xidməti rəisi vəzifəsində Vətənə və xalqa sədaqətlə xidmət edib.
1993-1996-cı illərdə İmamverdi həkim Daxili Qoşunlarda xidmət etdiyi müddətdə
gün ərzində 2 helikopter və Qaradağ stansiyasında 1 sanitar qatar yüzlərlə yaralı və xəstə döyüşkən əsgər , cavuş , gizir zabit və mülki vətəndaşları qəbul edib, yüksək səviyyədə onlara layiqli tibb xidməti göstərmiş, onların üzərində cərrahiyyə əməliyyatlarına rəhbərlik etmiş, ən çox əməliyyatları isə özü şəxsən uğurla həyata keçirmişdir.
1993-cü ildən başlayaraq, atəş dövrünə qədər vaxtaşırı ön cəbhəyə ezamiyyətə gedən İmamverdi həkim hərb səhra lazeretində yaraları ölümün pəncəsindən xilas edib. Döyüşlərin ən ağır məqamlarında düşmən gülləsinə və mərmisinin təsirindən yaralanmış yüzlərlə döyüşcülərin həyata qaytarılmasında onun misilsiz əməyi danılmazdır.
Vətənpərvərliyi, yurdsevərliyi,xeyirxağlığı,mehribanlığı,diqqətcilliyi və qayğıkeşliyi ilə seçilən İmamverdi həkim 1996-cı ilin dekabr ayında M.Əfəndiyev adına 2 nömrəli Bakı Şəhər Klinik Xəstəxanasında cərrah kimi işə qəbul olnmuş,1997-2012-ci ilə qədər həmin xəstəxanada “I Cərrahiyyə şöbəsi”nin müdiri kimi fəaliyyət göstərmişdir.
Əhatəsində olan insanların rəğbətini və dərin hörmətini qazanmış, İmamverdi Rzayev 2012-2015-ci illərdə Azərbaycan Respublikası Səhiyyə Nazirliyinin 38 nömrəli Şəhər Poliklinikasının Baş həkimi vəzifəsində çalışmışdır.
2015-2021-ci illərdə Azərbaycan Respublikası Səhiyyə Nazirliyinin əmri ilə Elmi Tədqiqat Ağciyər Xəstəlikləri İnstitutunda Baş həkim vəzifəsində Vətənə və xalqımıza sədaqətlə xidmət edib
Tibb xidməti mayoru İmamverdi Rzayev 08.09.2021-ci il tarixində 68 yaşında öz xahişi ilə tutduğu baş həkim vəzifəsindən azad olaraq təqaüdə çıxıb.
İmamverdi Rzayev öz xidməti vəzifələrini, hərbi hissə, (hərbi hospital), mərkəzi xəstəxana və poliklinika qarşısında qoyulmuş tapşırıqları yerinə yetirərkən
dəfələrlə mükafatlandırılıb.
Yüksək insani keyfiyyətlərə və kamil həkimlik peşəsinə qadir İmamverdi həkim sağlamlıq bəxş etdiyi insanların ömründə və şərəfli həkim peşəsinin tarixində yaşayacaq.
Allah tibb xidməti mayoru Rzayev İmamverdi Allahverdi oğluna möhkəm cansağlığı, uzun ömür və firavan həyat nəsib etsin.
Azərbaycan Respublikasının Silahlı qüvvələri veteranı və müharibə veteranı, peşəkar hərbçi və hüquqşünas polkovnk Salman Musayev
